Timor-Leste partisipa iha Forum ASEAN-Japaun ba da-39 iha Bankoke, Tailándia iha loron 25 fulan-juñu tinan 2024.

Sorumutu ne’e, ko-prezide husi Japaun no Tailándia, foka-liu ba diskusaun kona-ba kestaun sira relasiona ho dezenvolvimentu iha ASEAN no Japaun. Ko’alia kona-ba tema sira hanesan diresaun no objetivu futuru Parseria Estratéjika Abranjente ASEAN-Japaun, nune’e mós inisiativa kooperasaun no dezenvolvimentu rejionál nian.

Delegasaun Timor-Leste ne’e lidera husi Elisa Maria da Silva, Diretora-Jerál ba Asuntus ASEAN, no akompaña husi Ivan Alves, Ofisiál Ligasaun ASEAN.