IV GOVERNU KONSTITUSIONÁL

SEKRETARIA ESTADU KONSELLU MINISTRUS

……………………………………………………………………………………………………………………………

KOMUNIKADU BA IMPRENSA

Feriadu Idul Fitri no Toleránsia ba Pontu

IV Governu Konstitusionál, tuir Despaxu n.º 02/2010, estabelese ona, feriadu, ba loron 9 fulan Setembru tinan 2010 hanesan Loron Komemorasaun ba Idul Fitri, loron ne’ebé mak komemora loron ikus Ramadaun nian.

Ho nune’e, atu bele posibilita komemorasaun sira-ne’e, Governu desidi tan hodi fó toleránsia ba pontu iha loron 10 fulan Setembru tinan 2010, Sesta-feira, ba funsionáriu sira hotu no ajente sira ministériu nian ka servisu sira mak depende ba, mós institutu no organizmu sira integradu iha Administrasaun Indireta Estadu nian.

Desizaun ida-ne’e bazeia ba Lei n.º 10/2005, loron 10 fulan Agostu, mak determina loron sira mak hanesan feriadu nasionál no data ofisiál komemorativa sira.