Toleránsia pontu iha loron 20 fulan Agostu, tinan 2010
IV GOVERNU KONSTITUSIONÁL
SEKRETÁRIA ESTADU KONSELLU MINISTRU
......................................................................…………………………………………………………………………………….
KOMUNIKADU IMPRENSA
IV Governu Konstitusional Timor-Leste, deside fó toleránsia pontu iha sesta-feira, loron 20 fulan Agostu, tinan 2010, ba funsionáriu hotu-hotu no ajente ministériu nian ka hosi servisu hirak ne’ebé sira integra ba, nune’e mós hosi institutu no organismu ne’ebé halo parte iha Administrasaun Indireta Estadu nian.
Desizaun ida ne’e, bazeia ba Lei n.o 10/2005, loron 10 fulan Agostu, ne’ebé determina loron feriadu nasionál no data ofisiál komemorativa sira, no foti desizaun ne'e tanba komemorasaun aniversáriu Forsa Armada Libertasaun Nasionál Timor-Leste (FALINTIL) ba dala 35.0 (tolunulu resin lima).
Serimónia sei hala’o iha Palásiu Governu, iha Díli, hodi komemora aniversáriu instituisaun ne’ebé iha importánsia istórika aas tebe-tebes iha luta ba independénsia Nasaun nian.
Ba funsionáriu públiku no ajente sira hotu bele marka prezensa iha komemorasaun ida-ne’e, Governu hanoin katak, tenki fó toleránsia pontu aban,loron 20 fulan Agostu, Sesta feira.
