Ministrus ne’ebé forma Governu Konstitusionál IX maka aleinde Primeiru-Ministru, Vise-Primeiru-Ministru, Ministru Koordenadór Asuntus Ekonómikus, no Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária:

1. Ministru Prezidénsia Konsellu Ministrus;
2. Ministra Finansas;
3. Ministru Negósius Estranjeirus no Kooperasaun;
4. Ministru Justisa;
5. Ministru Administrasaun Estatál;
6. Ministra Saúde;
7. Ministra Edukasaun;
8. Ministru Ensinu Superiór, Siénsia no Kultura;
9. Ministru Asuntus Kombatentes Libertasaun Nasionál;
10. Ministru Obras Públikas;
11. Ministru Transportes no Komunikasoins;
12. Ministru Turizmu no Ambiente;
13. Ministru Komérsiu no Indústria;
14. Ministru Dezenvolvimentu Rural no Abitasaun Komunitária;
15. Ministru Agrikultura, Pekuária, Peska no Florestas;
16. Ministru Defeza;
17. Ministru Petróleu e Rekursus Minerais;
18. Ministru Interior;
19. Ministra Solidariedade Sosiál no Inkluzaun;
20. Ministru Juventude, Desportu, Arte no Kultura;
21. Ministru Planeamentu no Investimentu Estratéjiku.

Vise-Primeiru-Ministru no Ministru Koordenadór Asuntus Ekonómikus, hanesan mós Ministru Turizmu no Ambiente.

Vise-Primeiru-Ministru no Ministru Koordenadór Asuntus Sosiais, hanesan mós Ministru Dezenvolvimentu Rural no Abitasaun Komunitária.

Exetu determina kontráriu husi Primeiru-Ministru, Vice-Ministru Asuntus Parlamentares partisipa iha sorumutuk Konsellu Ministrus, laiha direitu atu vota.

Vise-Ministrus no Sekretáriu Estadu sira seluk ne’ebé, dala ruma, konvoka liuhusi indikasaun klara hosi Primeiru-Ministru, atu partisipa iha Konsellu Ministru, laiha direitu atu vota, exetu bainhira sira substitui Ministru ne’ebé sira koadjuva/ fó tulun.

Konsellu Ministrus mak iha kompeténsia atu aprova, liuhusi rezolusaun, regras kona-ba -ninia organizasaun no funsionamentu.”

Konsellu Ministrus ninia kompeténsia mós mak atu deside kona-ba kriasaun komisaun permanente ka eventuál, hodi analiza projetu aktu lejizlativu ka polítikus ka hodi aprezenta rekomendasaun ba Konsellu.

Tuir artigu 116.o hosi Konstituisaun, Konsellu Ministrus iha mós kompeténsia atu:

1. Define liña jerál polítika governu nian, nune’e mós ninia ezekusaun;
2. Delibera kona-ba pedidu votu konfiansa ba Parlamentu Nasionál;
3. Aprova proposta lei no rezolusaun;
4. Aprova diploma lejizlativu sira, nune’e mós akordu internasionál sira ne’ebé la submete ba Parlamentu Nasionál;
5. Aprova aktus Governu nian ne’ebé envolve aumentu ka diminuisaun reseita ka despeza públika;
6. Aprova planu sira;

Fonte: Dekretu-Lei n. 46/2023, loron 28 fulan-jullu, Orgánika Governu Konstitusionál IX no Konstituisaun Repúblika Demokrátika Timor-Leste