Governu Manifesta Solidariedade ho Japão tamba Terramotu iha Peninsula Noto
Prezidénsia Konsellu Ministrus
Portavós Governu Timor-Leste
IX Governu Konstitusionál
...........................................................................................................................
Komunikadu Imprensa
Governu Manifesta Solidariedade ho Japão tamba Terramotu iha Peninsula Noto
Governu Konstitusionál IX hato’o, ho triste tebes, ninia solidariedade ba Povu no Governu Japaun, kona-ba terramotu (rai-nakdoko) ho magnitude 7,6 iha eskala Richter ne'ebé atinje peninsula Noto, iha Ishikawa, Japaun, iha segunda-feira, loron 1 fulan-janeiru tinan 2024.
Rai-nakdoko ne'ebé maka provoka estragu ba edifísiu no destruisaun ba estrada sira, ne'ebé halo ona ema mate hamutuk na’in-84, kanek liu 300 no atus ba atus maka lakon, hafoin rai-nakdoko ne’e tuir kedas rai nakdoko ne’ebé la maka’as atus ba atus. Komunidade sira balun kontinua la hetan bee no ahi. Ekipa salvamentu sira kontinua buka-tuir sobrevivente sira.
Portavós hosi Governu Konstitusionál IX, Ministru Agio Pereira, hato’o ninia "sinsera kondolénsia ba Povu no ba Governu Japaun" no fó saudasaun ba "sira hotu ne’ebé kontinua determinadu hodi buka-tuir ema sobrevivente no apoia populasaun sira ne'ebé afeta husi katástrofe ida-ne'e. REMATA
