Governu Timor-Leste

Prezidénsia Konsellu Ministrus

  Portavós Governu Timor-Leste

IX Governu Konstitusionál

...........................................................................................................................

Komunikadu Imprensa

Toleránsia pontu Iha loron 26 fulan-dezembru tinan 2023 no loron 2 fulan-janeiro tinan 2024

Hanoin katak iha loron 25 fulan-dezembru no loron 1 fulan-janeiru, data ida-idak sei selebra loron Natal no Tinan Foun:

Atu konsidera katak, data sira ne’e hatuur momoos ona, iha alínea a) no alínea m husi n. 1 artigu 2.º husi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, no 10/2023, loron 5 fulan-abril, nu’udar feriadu nasionál ho data fiksa;

Haree ba, selebrasaun loron Natál no Tinan Foun ne’e, tuir tradisaun hala’o ho família;

Tanba sai ona tradisaun ida, ema barak sei dezloka husi sira-nia hela fatin iha períodu Natal no Tinan Foun, ho objetivu atu hasoru-malu ho sira-nia família;

Hanoin mós katak, ema hala’o prátika ida-ne’e iha tinan barak nia laran ona, nune’e fó toleránsia pontu, iha époka ida-ne’e, ba servisu públiku sira;

Nune’e, tuir alínea d) n. 6 artigu 7.º husi Lei n.10/2025, loron 10 fulan-agostu, ne’ebé altera husi Lei n. 3/2016, loron 25 fulan-maiu, no 10/2023, loron 5 fulan-abríl, ha’u determina hanesan tuirmai:

1. Fó toleránsia pontu:
   1. Iha loron 26 fulan-dezembru tinan 2023, durante loron tomak;
   2. Iha loron 2 fulan-janeiru tinan 2024, durante loron tomak.

2. Despaxu ida-ne’e abranje ba funsionáriu, ajente no traballadór sira hotu ne’ebé hala’o atividade iha servisu administrasaun direta Estadu nian, sentrál ka deskonsentradu, ka iha organizmu administrasaun indireta nian.

3.La inklui iha númeru anteriór rekursus umanus husi servisu públiku sira ne’ebé, tanba natureza husi atividade ne’ebé sira dezenvolve, tenke hala’o nafatin servisu durante períodu ne’e;

4. Sein prejuízu ba kontinuidade no kualidade husi servisu públiku ne’ebé sei fó ba dirijente másimu sira husi servisu ne’ebé temi ona iha númeru anteriór, tenke promove dispensa ne’ebé hanesan kona-ba devér asiduidade ba funsionáriu sira-ne’e, iha loron seluk, ne’ebé sei determina bazeia ba oportunidade. REMATA