Governu Timor-Leste

Prezidénsia Konsellu Ministrus

  Portavós Governu Timor-Leste

IX Governu Konstitusionál

...........................................................................................................................

Dili, loron 8 fulan-novembru tinan 2023

Komunikadu Imprensa

Toleránsia pontu iha loron 13 fulan-novembru tinan 2023

Hodi konsidera katak eleisaun ba órgauns husi suku sira, hala’o ona iha loron 28 fulan-outubru 2023 liubá;

Hodi konsidera katak artigu 71 n.^u 2., husi Lei n.^u 9/2016, loron 8 fulan-jullu, determina nesesidade ba realizasaun votasaun ida ba daruak nian, bainhira la bele eleje órgaun sira Suku nian, iha votasaun ba dahuluk.

Hodi konsidera katak, tuir regra ne’ebé prevee ona iha Dekretu Governu n.^u/9/2023, loron 16 fulan-agostu, votasaun daruak ba eleisun órgaun sira suku nian sei hala’o iha segunda-feira, loron 13, fulan-novembru 2023.

Hodi konsidera katak iha nesesidade atu hala’o votasaun ba daruak iha suku hamutuk 271;

Hodi konsidera prátika ne’ebé molok ne’e hala’o ona;

Hodi konsidera katak, tuir regra sira ne’ebé hatuur iha alínea d) n.^u 6, husi artigu 7.^u,Lei n.^u 10/2005, loron 10 fulan-agostu, ne’ebé altera ona husi Lei n.^u 3/2016, loron 25 fulan-maiu no husi Lei n.^u 10/2023, loron 5 fulan-abril, kompete ba Primeiru-Ministru atu konsede toleránsia pontu ba “funsionárius no ajentes husi ministérius ka servisus ne’ebé dependente, nune’e mos institutus no organizmus ne’ebé integra iha administrasaun indireta Estadu nian”;

Nune’e, tuir dispostu iha alínea b) husi n.^u 2 no iha alínea d) husi n.^u 6, husi artigu 7, Lei n.^u 10/2005, loron 10 fulan-agostu, ne’ebé altera ona husi Lei n.^u 3/2016, loron 25 fulan maiu no husi Lei n.^u 10/2023, loron 5 fulan-abril, Governu determina tuir mai:

1. Fó toleránsia pontu, iha loron 13 fulan-novembru 2023, durante loron tomak;
2. Despaxu ida ne’e abranje funsionárius, ajentes no traballadór sira ne’ebé hala’o atividade iha servisu sira administrasaun direta Estadu nian, servisus sira ne’ebé maka sentrais ka deskonsentradus, ka iha organizmu sira husi administrasaun indireta;
3. Rekursus umanus husi servisus públikus ne’ebé, tanba natureza hosi atividade ne’ebé sira hala’o, tenke funsiona nafatin iha períodu ne’ebá, la inklui iha númeru anteriór;
4. Sein prejuízu ba kontinuidade no kualidade servisu públiku atu halo, dirijentes másimus husi servisu sira ne’ebé maka temi ona iha númeru anteriór, tenke fó dispensa hanesan ba rekursus umanus sira ne’e, iha loron ne’ebé oportunu. REMATA