Klarifikasaun kona-ba Despaxu falsu
Prezidénsia Konsellu Ministrus
Portavós Governu Timor-Leste
IX Governu Konstitusionál
...........................................................................................................................
Dili, loron 30 fulan-outubru tinan 2023
Komunikadu Imprensa
Klarifikasaun kona-ba Despaxu falsu
Gabinete Primeiru-Ministru no Ministru Prezidénsia Konsellu Ministrus informa katak, tersa-feira, loron 31 fulan-outubru tinan 2023, laiha toleránsia-de-pontu. Tanba ne’e, sai hanesan loron normál serbisu nian.
Informa mós katak, sirkula ona despaxu falsu ida ne’ebé maka la fó-sai husi Gabinete Primeiru-Ministru no informasaun ba públiku ne’e falsu, katak fó toleránsia-de-pontu ba funsionáriu públiku sira, iha tersa-feira ne’e, loron 31 fulan-outubru.
Prezidénsia Konsellu Ministrus apela ba públiku no liuliu ba funsionáriu públiku sira, hodi labele konsidera despaxu ne’e, maske despaxu ne’e hateten katak Primeiru-Ministru maka fó-sai, la publika iha Portál Governu ka kanál informasaun ofisiál sira seluk. REMATA
