Timor-Leste iha Jogu CPLP nian iha Mosambike
Husi 29 jul toó 07 ago
Edisaun ba dahituk Jogu sira CPLP nian hala’o iha Maputu, Mosambike.
Atleta timór-oan nai neen sei hamutuk entre foin-sa’e nain atus lima hosi país walu Komunidade hosi País sira ho Dalen Portugés (CPLP) atu partisipa iha modalidade rua: téniz no atletizmu.
Kampeonatu bianuál ida ne’e hala’o ona iha tinan 1992. Destina ba foin-sa’e sira ho tinan to’o 16. Ba paralímpiku sira, organizasaun estende nia limite to’o tinan 20.
Modalidade sira mak kompoen Jogu sira hanesan andeból, atletizmu, basketeból, futeból, téniz kampu, voleiból tasi-ibun nian, desportu adoptadu entre sira seluk tán.
