Sorumutuk Konsellu Ministrus nian iha loron 18 fulan-outubru tinan 2023
Prezidénsia Konsellu Ministrus
Portavós Governu Timor-Leste
IX Governu Konstitusionál
...........................................................................................................................
Komunikadu Imprensa
Sorumutuk Konsellu Ministrus nian iha loron 18 fulan-outubru tinan 2023
Konsellu Ministrus hala’o sorumutuk iha Palásiu Governu, Dili, no analiza ona aprezentasaun husi Ministru Juventude, Desportu, Arte no Kultura, Nelyo Isaac Sarmento, kona-ba inisiativa hodi kria Komisaun Reguladora Artes Marsiais (KRAM), hanesan entidade Administrasaun direta Estadu, ne’ebé iha autonomia téknika.
*****
Konsellu Ministrus mós delibera hodi fó toleránsia-de-pontu iha loron 27 fulan-outubru oinmai, ba funsionáriu, ajente no traballadór administrasaun direta Estadu, tantu sentrál ka deskonsentradu sira, no mós organizmu administrasaun indireta Estadu nian, hodi fasilita partisipasaun populasaun nian iha eleisoens ba liderança komunitária.
*****
Ikusliu, Konsellu Ministrus delibera atu autoriza loke prosedimentu aprovisionamentu nian ho karater urjénsia, hodi hola mina ba sentrál elétrika Betanu ba fulan 6, ho objetivu atu garante funsionamentu sentrál eletrika no fornesimentu enerjia.
