Sekretáriu Estadu Ensinu Sekundáriu Jerál no Ensinu Sekundáriu Tékniku-Vokasionál, Domingos Lopes Lemos, reprezenta Timor-Leste iha Konferénsia Internasionál ba da-7 kona-ba Língua no Edukasaun, ho tema “Edukasaun multilinge ba Sistema Edukasaun Transformadór no Futuru Reziliente”. Eventu ne’e hala’o iha loron 4 to’o loron 6 fulan-outubru tinan 2023, iha Bankoke, Tailándia.

Akompaña husi Koordenadora Programa Edukasaun multilinge (EMULI), Veronica Godinho, Sekretáriu Estadu hamutuk ho reprezentante sira husi país oioin durante konferénsia ne’ebé organiza husi Grupu Traballu Edukasaun Multilínge Ázia-Pasífiku nian.

Konferénsia ne’e fó espasu diskusaun nian ida ba desizores polítikus, investigadores no profisionais ba dezenvolvimentu hodi troka esperiénsias no diskute prátika no peskiza iha ámbitu edukasaun multilinge.