Ministra Saúde, Élia A. A. dos Reis Amaral, akompaña Prezidente Repúblika, José Ramos-Horta, durante vizita ba ró ospitál husi Repúblika Populár Xina “Peace Ark” nian, ne’ebé atraka iha Portu Dili iha loron 3 fulan-setembru tinan 2023.

To’o loron 10 fulan-setembru, espesialista xinés sira iha ró Peace Ark sei hala’o ezames médikus no fó servisus médikus ba komunidade. Médiku xinés sira mós sei vizita instituisaun nasionál oioin, ne’ebé inklui Sentrus Saúde no Hospital Nacional Guido Valadares. 

 

 

Ministra Saúde apela ba populasaun atu aproveita biban ida-ne’e hodi hetan konsulta ne’ebé espesiál no gratuita.

Partisipa mós iha vizita ba “Peace Ark”, ne’e, Enkarregadu Negósius Embaixada Xina nian iha Timor-Leste, Xu Danyang, no Tenente-Jenerál F-FDTL, Falur Rate Laek.