Timor-Leste hakarak duni atu kumpri objetivu hirak Miléniu Dezenvolvimentu trasa ona ba área saúde nian, liu-liu atu hamenus taxa ema mate, hasa’e ai-hán nia nutrisaun no servisu ospitalár nian sira.

“Alende ida ne’e, ami mós tenke forma ami nia rekursu umanu atu sira bele ajusta no adapta teknolojia ne’ebé mak ami iha. Ho rekursu umanu ne’ebé hetan formasaun di’ak mak ami bele aumenta kualidade, maske ami tenke investe maka’as iha kualidade rekursu nia, ami sei forma didi’ak no ho seguru” koalia Madalena Hanjan.

Iha longu prazu, objetivu mak atu advoga Planu Estratéjiku Dezenvolvimentu Nasionál ne’ebé mak Primeiru-Ministru oras ne’e hato’o hela ba País tomak, no prevee ona atu harii tan ospitál rekursu barak liutan no investimentu bo’ot ba kuidadu ferik-katuas sira hodi evita haruka ema moras ba rai-liur.

“Ami oras ne’e iha kolaborasaun di’ak ho Indonzésia no Singapura, ne’ebé mak sira sei haruka doutór espesialista sira mai iha Timór no atu tulun ho ai-moruk no ekipamentu sira, atu nune’e bele halo operasaun sira iha ne’e. Ida ne’e mak hanesan avansu bo’ot ida ba saúde ne’ebé habo’ot ita nia konfiansa” remata Vice-Ministra Saúde, Madalena Hanjan.