Ministériu Saúde, serbisu hamutuk ho Hospital Nasionál Guido Valadares (HNGV) no Organizasaun Mundiál Saúde Timor-Leste (OMS), iha loron 25 fulan-jullu tinan 2023, hala’o eventu ida iha HNGV, hodi promove doasaun raan no sensibilizasaun, tema Loron Mundiál ba Doadór Raan tinan ida-ne’e – “Fó raan, fó plazma, partilla vida, beibeik partilla ba”.

Iha serimónia refere, Vise-Ministru Operasionalizasaun Ospitais, Flávio Brandão, ko’alia liu importánsia no nesesidade doasaun raan, no hodi afirma katak ne’e nu’udar Governu-nia prioridade ida hodi hametin servisu banku raan nian no aumenta ninia kobertura, estende mekanizmu atu koleta raan iha territóriu nasionál.

Reprezentante OMS iha Timor-Leste, Arvind Mathur, fó sai ona katak organizasaun ne’e sei fornese asisténsia téknika ba dezenvolvimentu estratéjia abranjente ida ba banku raan nasionál hodi hadi’a sira-nia servisu.

Durante eventu ne’e realiza mós kampaña espesiál ida kona-ba doasaun raan, ninia objetivu atu insentiva liután ema hodi partisipa no kontribui hodi salva vida.