Iha loron 14 fulan-julhu tinan 2023, Ministru Presidénsia Konsellu Ministru, Agio Pereira, hala’o sorumutuk ho representantes grupu East Timor Trading (ETT), hodi diskute kona-ba preokupasoins setór privadu nian relasiona ho aumento ne’ebé boot husi impostus iha tinan ikus.

Durante enkontru ne’e, responsável grupu ETT hateten difikuldade sira ne’ebé enfrenta tanba aumentou ida-ne’e, ne’ebé afeta la’os de’it East Timor Trading, maibé mós setór privadu tomak no komunidade hotu-hotu. 

Ministru Agio Pereira aprezenta linhas jerais Programa Governu IX nian, ho destake ba dezenvolvimentu setór privadu nasionál no melhoria ambiente negósiu nian. Alénde ne’e, Ministru asegura katak eliminasaun aumentu impostos nian ne’ebé Governu anterior aprova ona hanesan prioridade ba IX Governu.