Aprezentasaun Programa Governu Konstitusionál IX nian iha Parlamentu Nasionál

Programa Governu Konstitusionál IX, ohin Primeiru-Ministru, Kay Rala Xanana Gusmão, aprezenta ba Parlamentu Nasionál.

 Aprezentasaun Programa Governu Konstitusionál IX nian iha Parlamentu Nasionál

Iha ninia Programa, Governu sintetiza polítikas públikas prinsipais ne’ebé sei adota durante mandatu ne’e, ho ninia objetivu atu reforsa no otimiza setores governasaun no ninia rekursus, atu habadak dalan ne’ebé trasa ona hodi transforma vizaun Ajenda tinan 2030 Dezenvolvimentu Sustentavel no Planu Estratéjiku Dezenvolvimentu tinan 2011-2030 sai realidade.

Durante ninia apresentasaun, Primeiru-Ministru esplika linhas jerais husi Programa Governu Konstitusionál IX, ba período 2023-2028, ne’ebé engloba kompromisus neen, mak hanesan reafirmasaun Estadu Direitu Demokrátiku, dezenvolvimentu kapital sosial, dezenvolvimentu infraestruturas, dezenvolvimentu ekonomia, konsolidasaun governativa no boa governasaun no kombate corrupsaun.

 Aprezentasaun Programa Governu Konstitusionál IX nian iha Parlamentu NasionálPrimeiru-Ministru destaka katak “debate no apresiasaun ba Programa ne’ebé IX Governu Konstitusional lori mai, labele sai hanesan formalidade konstitusional ida. Ami husu voto konfiansa ba Ezekutivu ida ne’e, nebé kualifikadu no experiente, no hakarak hatúr fali regras boa-governasaun, transparensia, efisiensia no efikásia, atu ITA HOTU bele lori Timor-Leste ba buat nebé ita mehi kedas iha tempos difíseis luta-nian. capa programa vermelho pt page 0001 159x225 Aprezentasaun Programa Governu Konstitusionál IX nian iha Parlamentu Nasionál

Xanana Gusmão, iha ninia diskursu, halo pedidu rua, dahuluk, apela ona “la-ós deit ba nia Governu rasik, maibé mós ba Órgãos Soberania hotu-hotu, ba Sosiedade Sivil no ba Timoroan sira hotu”, hodi “mai hamutuk, ita luta ba ita-nia Estadu Direitu demokrátiku: ho kilat nebé naran vontade atu servisu, ho kilat-musan husi partisipasaun ativa no konstrutiva ida ke di’ak, hamutuk ho hanoin no vizaun ida de’it kona-ba Liberdade no Dezenvolvimentu!”. Primeiru-Ministru husu mós ba populasaun tomak atu “Independentemente ba ita ida-idak nia kondisaun profissional, sosial ka ekonómika, ita sei dignifika ita-nia prezensa iha estranjeiru, enkuantu ita haré ba Rai Laran hodi atrai investimentu, komérsiu no turismu mai Timor-Leste.

 

Atu lee diskursu kompletu Primeiru-Ministru Kay Rala Xanana Gusmão nian klika iha ne’e

url: https://timor-leste.gov.tl?lang=tp&p=32844