Sorumutuk Konsellu Ministrus nian iha loron 7 fulan-juñu tinan 2023
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Sorumutuk Konsellu Ministrus nian iha loron 7 fulan-juñu tinan 2023
Primeiru-Ministru, Taur Matan Ruak, konvoka membru Governu sira hotu, iha loron-kuarta ne’e, ba sorumutuk ikus Konsellu Ministrus Governu Konstitusionál VIII nian.
Durante sorumutuk ne’e, Primeiru-Ministru halo análize ida kona-ba mandatu Governu nian, hodi rekoñese serbisu pozitivu hotu ne’ebé alkansa ona husi Ezekutivu sira no agradese mós ba kontribuisaun no dedikasaun husi membru Ezekutivu sira hotu.
Aprezenta mós Relatóriu Finál Mandatu Governu VIII, husi tinan 2018 to’o tinan 2023, publikasaun ida ne’ebé deskreve atividade prinsipál no rezultadu sira Ezekutivu nian husi kedas sira simu pose, nune’e mós dezafiu hirak ne’ebé sira hasoru no rekomendasaun sira ba futuru.
Iha aprezentasaun Relatóriu ne’e, Ministru Prezidénsia Konsellu Ministrus, Fidelis Manuel Leite Magalhães, ko’alia liu kona-ba konkista no rezultadu ne’ebé alkansa ona husi Governu Konstitusionál da-8, maske hasoru difikuldade no dezafiu sira durante mandatu. REMATA
