Prezidénsia Konsellu Ministrus

VIII Governu Konstitusionál

……………………………………………………………………………………………………………

Komunikadu Imprensa

Sorumutuk Konsellu Ministrus nian iha loron 31 fulan-maiu tinan 2023

Konsellu Ministrus hala’o sorumutuk iha Palásiu Governu, Dili no delibera hodi aprova prosedimentu ba aprovizionamentu – Reabilitasaun Estrada Munisipál sira, Pakote II – Seksaun Sidade Maliana Faze 1 (ICB/087/MOP-2022), tuir projetu ne’ebé aprezenta husi Ministru Obras Públikas, ho valór ne’ebé prevee dolar amerikanu millaun 13,6.

……

Konsellu Ministru delibera hodi autoriza mós despeza atu kontrata Konsultoria ida iha Jestaun Projetu ba Projetu Abastesimentu Bee no Saneamentu iha Dili (Dili Oeste), tuir projetu ne’ebé aprezenta husi Ministru Obras Públikas, ho valór ne’ebé prevee dolar amerikanu millaun 15,2.

……

Ikusliu, Konsellu Ministrus delibera hodi autoriza, despeza prosedimentu ba aprovizionamentu no tuirmai formalizasaun ba kontratu públiku hodi ezekuta obra modernizasaun ba sistema abastesimentu bee no saneamentu iha sidade Lospalos, Vikeke no Same, tuir projetu ne’ebé aprezenta husi Ministru Obras Públikas.

Nune’e, Konsellu Ministrus autoriza despeza globál ne’ebé prevee dolar amerikanu millaun 66,83, iha prosedimentu aprovizionamentu ida ne’ebé sei halo iha lote tolu:

• Lote 1 – Modernizasaun ba sistema públiku abastesimentu bee no saneamentu ba sidade Lospalos ho valór ne’ebé prevee dolar amerikanu millaun 22,48;
• Lote 2 – Modernizasaun ba sistema públiku abastesimentu bee no saneamentu ba sidade Vikeke ho valór ne’ebé prevee dolar amerikanu millaun 23,76; no
• Lote 3 – Modernizasaun ba sistema públiku abastesimentu bee no saneamentu ba sidade Same ho valór ne’ebé prevee dolar amerikanu millaun 20,59. REMATA