Feriadu sira iha tinan 2023
Prezidénsia Konsellu Ministrus
VIII Governu Konstitusionál
..............................................................................................................................
Komunikadu Imprensa
Feriadu sira iha tinan 2023
Feriadu sira ho data fiksu no data variavel nian determina husi Lei n.10/2005, loron 10 fulan-agostu, ba tinan 2023 maka hanesan tuir mai ne’e:
a) Loron 1 fulan-janeiru - Loron Tinan-Foun nian (feriadu ho data fiksu);
b) Loron 3 fulan-marsu - Loron Veteranu sira nian (feriadu ho data fiksu);
c) Loron 7 fulan-abril - Sesta-Feira Santa (feriadu ho data variavel);
d) Loron 22 fulan-abril - Idul-Fitri (feriadu ho data variavel);
e) Loron 1 fulan-maiu - Loron Mundiál Serbisu-na’in sira nian (feriadu ho data fiksu);
f) Loron 20 fulan-maiu - Loron Restaurasaun Independénsia nian (feriadu ho data fiksu);
g) Loron 8 fulan-juñu - Festa Korpu de Deus (feriadu ho data variável);
h) Loron 29 fulan-juñu - Idul Adha (feriadu ho data variável);
i) Loron 30 fulan-agostu - Loron Konsulta Populár nian (feriadu ho data fiksu);
j) Loron 1 fulan-novembru - Loron Santu sira Hotu nian (feriadu ho data fiksu);
k) Loron 2 fulan-novembru - Loron Matebian sira nian (feriadu ho data fiksu);
l) Loron 3 fulan-novembru - Loron Nasionál Feto (feriadu ho data fiksu);
m) Loron 12 fulan-novembru - Loron Nasionál Foin-Sa’e sira nian (feriadu ho data fiksu);
n) Loron 28 fulan-novembru - Loron Proklamasaun Independénsia nian (feriadu ho data fiksu);
o) Loron 7 fulan-dezembru - Loron Memória nian (feriadu ho data fiksu);
p) Loron 8 fulan-dezembru - Loron Nossa Senhora da Imaculada Conceição, mahein Timor-Leste nian (feriadu ho data fiksu);
q) Loron 25 fulan-dezembru - Loron Natál (feriadu data fiksu nian);
r) Loron 31 fulan-dezembru - Loron Eroi Nasionál sira nian (feriadu data fiksu nian).
Lei n.10/2005, loron 10 fulan-agostu nian, atu fó hanoin fila-fali, mak estabelese rejime jurídiku kona-ba feriadu sira, data ofisiál komemorativa sira no toleránsia pontu, no altera ona ho lei n.3/2016, loron 25 fulan-maiu no Lei n. 10/2023 loron 5 fulan-abril, ne’ebé halo ona alterasaun balu ho hanoin atu rekoñese data istórika sira kona-ba Luta ba Ukun Rasik an no mós ba rekoñesimentu Feto nia papel iha sosiedade timoroan. REMATA
