Governu Timor-Leste kondena atake ba instituisaun demokrátika sira Brasil nian
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Governu Timor-Leste kondena atake iha instituisaun demokrátika sira iha Brazíl
Governu Konstitusionál VIII manifesta ninia apoiu ba Prezidente Repúblika Brazil nian, Luiz Inácio Lula da Silva, ne’ebé povu brazileiru hili ona ho livre no demokrátiku, no kondena maka'as violénsia no atake ba-iha instituisaun demokrátika sira.
Primeiru-Ministru, Taur Matan Ruak, hato’o katak nia akompaña ho “preokupasaun ne’ebé boot tebes ba hahalok violentu no antidemokrátiku sira ne’ebé akontese iha Brazil” no hateten katak “uza violénsia atu ataka instituisaun demokrátika sira, buat ida ne’ebé maka labele aseita duni”
Portavós Governu Konstitusionál VIII nian, Ministru Fidelis Magalhães, lori Konsellu Ministrus no Governu tomak nia naran, hato’o “apoiu tomak ba Prezidente Lula” no “kondena maka’as invazaun no atake sira ba sede Podér Tolu iha Brazília, ne’ebé sai hanesan atake ida ba pilár sira Estadu direitu demokrátiku nian no ameasa ida ba demokrasia”. REMATA
