Primeiru-Ministru, Kay Rala Xanana Gusmão, akompaña hosi Sekretáriu Estadu Seguransa, Francisco Guterres, Sekretáriu Estadu Kultura, Virgilio Smith no komitiva tomak , domingu semana kotuk hala’o konsulta ba Planu Estratéjiku Dezenvolvimentu Nasionál (PEDN) iha Sub-Distritu Maubisse, Distritu Ainaro, 16/5/2010.

Komitiva hosi S.E. Primeiru-Ministru, Kay Rala Xanana Gusmão, simu husi Administradór Distritu Ainaro, Manuel Pereira, akompaña hosi Deputadu Manuel Tilman husi bankada Kota iha Sub-distritu Maubisse hanesan Sub-distritu dahuluk ne’ebé halo konsulta ba PEDN husi S.E. Primeiru-Ministru Timor-Leste, Kay Rala Xanana Gusmão, iha salaun Parokiál Maubisse nia oin.

Iha vizita ofisiál ne’e Administradór Distritu hamutuk ho Administradór Sub-distritu Maubise no povu sira hotu simu ho tara tais akompaña ho sergala no tebedai hodi simu no la’o hakiduk mai to’o iha fatin aprezentasaun PEDN iha salaun Parokiál Maubise akompaña ho haklalak no viva ba Primeiru-Ministru nu’udar maun bo’ot ba iha funu libertasaun ba independénsia Timor-Leste.

Bainhira atu tama ba iha konsulta PEDN, dahuluk lia-nain sira sei konvida Sua Eselénsia Primeiru-Ministru sa’e ba iha uma lulik ne’ebé halo iha salaun Parokiál Maubise nia oin hodi lok malus no tabaku tradisionál hanesan bainaka ne’ebé mai vizita, hafoin ne’e mama tiha, Primeiru-Ministru, Kay Rala Xanana Gusmão, simu aitonka husi jerasaun Don Adelino Espírito Santo atu ukun Timor-Leste hodi tane povu ba móris ne’ebé di’ak.

Iha Domingo (16/5), Primeiru-Ministru, Xanana Gusmão to’o iha Maubise, povu Maubise kontenti hodi simu Primeiru-Ministru, Xanana Gusmão ho moradór sira no sergala tuir kultura Maubise nian, bainhira simu bainaka ruma.

Tanba ne’e, iha biban hanesan jerasaun hosi Don Adelino do Espírito Santo, entrega aitonka ba Primeiru-Ministru, Kay rala Xanana Gusmão atu ukun Timor-Leste ho di’ak liu-tan no lori dezenvolvimentu ba povu ne’ebé sei mukit iha ukun nia laran.

PM Xanana iha nia aprezentasaun PEDN hateten, nia sei móris no nia sei esforsu an maka’as atu lori dezenvolvimentu ba povu no rai doben Timor-Leste bele móris di’ak