……………………………………………………………………………………………………………
Komunikadu Imprensa
Dili, loron 31 fulan-outubru tinan 2022
Governu hato’o ninia solidariedade ho Koreia Sul
Governu Timor-Leste hato’o ninia sentidas kondolénsias ba Governu no povu Repúblika Koreia nian ba insidente ne’ebé akontese iha loron 29 fulan-outubru liubá, iha bairru Itaewon, iha Kapitál koreana, Seul.
Besik ema 153 maka mate no ema liu 130 maka hetan kanek, iha insidente ida ne’ebé mosu durante halibur ema barak hodi selebra hela Halloween iha dalan sira Seul nian.
Portavós Governu Konstitusionál VIII, Ministru Fidelis Magalhães, lori Konsellu Ministru no Governu hotu nia naran, afirma katak “ami hotu nia hanoin hamutuk ho ema sira ne’ebé lutu hela” no hato’o ami-ninia “solidariedade ho povu no ho Governu súl-koreanu”. REMATA