Governu apela ba ajénsia viajen nasionál sira hodi labele bosok sidadaun sira ho promesa falsa sira kona-ba serbisu iha rai-li’ur
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Governu Konstitusionál VIII apela ba ajénsia viajen nasionál sira hodi labele bosok sidadaun sira ho promesa falsa sira kona-ba serbisu iha rai-li’ur no hodi informa ba sira-nia kliente sira, ne’ebé hakarak ba serbisu iha rai-li’ur, presiza iha ona kontratu serbisu nian molok halo viajen, atu evita bele hamosu fraude.
Governu informa mós katak sei adota medida sira ne’ebé presiza no adekuada atu prevene no hapara empreza sira ne’ebé ho intensaun ilísita, fó informasaun falsa ba sidadaun sira, ne’ebé bele konsidera hanesan atus tráfiku umanu nian. REMATA
