……………………………………………………………………………………………………………
Komunikadu Imprensa
Komisaun Anti Korrupsaun halo buska iha fatin-servisu Palásiu Governu nian
Dili, loron 18 fulan-outubru tinan 2022
Iha horiseik dadeer, Komisaun Anti Korrupsaun halo buska lubuk ida iha fatin-servisu Palásiu Governu nian.
Hosi dilijénsia ne’ebé realiza ona, laiha membru Governu ida mak sai hanesan arguidu ka akuzadu ba prátika kualkér krime.
Governu afirma filafali ninia konfiansa iha Podér Judisiál no katak atuasaun husi ninia órgaun sira sei hetan nafatin orientasaun tuir kritériu independénsia no legalidade nian.
Governu destaka importánsia husi rejime konstitusionál kona-ba imunidade hosi titulár sira órgaun soberania nian ba funsionamentu normal iha instituisaun sira no ba prosesu konsolidasaun iha ita-nia Estadu Direitu Demokrátiku.
Ikusliu, Governu afirma ninia disponibilidade atu kolabora ho órgaun Podér Judisiál nian ba saida de’it bainhira solisita, hanesan saida maka akontese ona iha pasadu. REMATA