Governu hato’o ninia solidariedade ho Estadus Unidus Amérika
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Governu hato’o ninia solidariedade ho Estadus Unidus Amérika
Lori povu Timor-Leste nia naran, Governu hato’o ninia solidariedade ne’ebé kle’an ba Povu no Governu Estadus Unidus Amérika nian ne’ebé sofre, kauza husi furakaun (udan-anin ne’ebé boot tebes), tempestade boot ida ne’ebé afeta país ne’e.
Furakaun Ian, ho kategoria 4, afeta Florida no Carolina Súl nian, anin ho ninia lais 240 kilómetru kada oras, ne’ebé provoka inundasaun iha rezidénsia sira, estraga uma millaun resin ida ne’ebé laiha eletrisidade no provoka mate pelumenus ema na’in 103 no ema hamutuk millaun 1,8 ne’ebé sees-an husi sira-nia hela-fatin.
Portavós VIII Governu Konstitusionál, Ministru Fidelis Manuel Leite Magalhães, afirma katak “ami-nia sentimentu ba família sira ne’ebé lakon ema ne’ebé sira hadomi no ami-nia hakruuk ba sira-ne’ebé kontinua determina hodi buka vítima sira ne’ebé sei moris no hodi apoia populasaun sira ne’ebé afeta husi katástrofe ida-ne’e”. Remata
