Governu hato’o ninia solidariedade ba Indonézia
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Governu hato’o ninia solidariedade ba Indonézia
Governu Timor-Leste hato’o ninia sentidas kondolénsias ba Governu no povu Repúblika Indonézia kona-ba insidente ne’ebé akontese iha estádiu Kanjuruhan, iha Malang, iha illa Java, iha kalan sábadu liubá.
Pelumenus ema na’in 131 maka mate no na’in 400 hetan kanek, dezastre ida ne’ebé akontese piór tebes iha estádiu desportivu iha mundu no istória ne’ebé piór ba futeból indonézia nian.
Portavós Governu Konstitusionál VIII, Ministru Fidelis Magalhães, lori Konsellu Ministrus no Governu nia naran, hato’o sira-nia “solidariedade ba Governu no Povu Repúblika Indonézia no afirma katak “iha momentu difisil ida-ne’e, ami-nia hanoin hamutuk ho vítima sira no sira-nia família”. Remata
