……………………………………………………………………………………………………………
loron 9, fulan-setembru, tinan 2022
Komunikadu Imprensa
Timor-Leste lamenta ho Liurai-feto Isabel II nia mate
Ho sentimentu ne’ebé kle’an Governu Timor-Leste simu notísia kona-ba falesimentu Sua Majestade Liurai-feto Isabel II, iha kinta-feira ne’e, loron 8 fulan-setembru tinan 2022, ho idade 96, iha Castelo Balmoral, iha Eskósia.
Isabel II, moris iha loron 21 fulan-abríl tinan 1926, iha Londres, no mate hafoin iha fulan balun liubá selebra ninia jubileu ukun nian ba 70, iha istória británika ne’ebé naruk liu no, sai hanesan istória ida ne’ebé naruk liu iha nivel mundiál. Carlos, oan-mane boot, ne’ebé troka nia fatin iha tronu no adota títulu Carlos III.
Iha tinan 2003, Liurai-feto Isabel II, kondekora eis-Prezidente Repúblika Timor-Leste nian, Kay Rala Xanana Gusmão, ho Grau Cavaleiro Honorário da Grande Cruz da Ordem de São Miguel e de São Jorge.
Primeiru-Ministru, Taur Matan Ruak, lori Governu no Povu timoroan nia naran, hato’o ninia sentidu kondolénsia ba família liurai nian, nune’e mós ba Governu no Povu Reinu Unidu.
Portavós Governu Konstitusionál VIII nian, Ministru Fidelis Magalhães, salienta katak ninia legadu sei moris no grava nafatin iha memória ema hotu nian iha mundu tomak. REMATA