Sekretária Estadu Formasaun Profissionál no Empregu (SEFOPE) liu husi Diresaun Nasionál Empregu servisu hamutuk ho Embaixada Australia no International Labour Organization (ILO) realiza sorumutu kona-ba Análize Konstranjimentu sira ba Kriasaun Empregu durante loron rua 26-27 fulan Maiu 2010, oras 09.00-16.00, otél Arbiru.

SEFOPE hare’e kriasaun traballu sai nudar prioridade nasionál ida. Relasiona ho ijizenjia no nesesidade ne’ebe traballu enfrenta iha Timor-Leste, Governo liu husi SEFOPE kria polítika ka estratéjia atu responde lalais preokupasaun traballu sira.

Objektivu hakarak halo diskusaun bo’ot kona-ba estratéjia hodi kria empregu barak liu iha Timor-Leste. Partisipante sira analiza ida ne’e no fahe hanoin kona-ba opsaun sira ne’ebe atu uza hodi hasoru konstranjimentu sira.

Rezultado husi sorumutu ida ne’e sai nudar dadus ba esbosu ida ba Estratéjia Nasionál ba Empregu.