Iha Domingu, loron 22, fulan Maiu, fragata rua ba mariña F-FDTL nian to’o ona iha Díli.

Ida ne’e, hanesan faze foun ida ba iha dezenvolvimentu F-FDTL no liu-liu ba forsa mariña nian. Hein katak ho fragata rua ne’e bele fó kontribuisaun ba formasaun kontínua iha kuadru mariña F-FDTL nian nune’e mós hodi halo vijilánsia iha kosteira, liu-liu relasiona ho peska no tráfiku ilegál iha tasi ne’ebé pertense ba Timor-Leste.