Governu Timor-Leste ho ajénsia governamentál amerikana Millennium Challenge Corporation (MCC), iha loron 19 fulan-jullu tinan 2022, tuku 15.30, iha Ministériu Negósius Estranjeirus no Kooperasaun, sei asina akordu kooperasaun ba programa ida ne’ebé sei implementa durante tinan lima, ho montante totál dolar amerikanu millaun 484, ho objetivu atu redús ki’ak liuhusi kreximentu ekonómiku.

Akordu kompaktu ho MCC ne’e sei asina husi Ministru Prezidénsia Konsellu Ministrus, Fidelis Magalhães no Vise-Prezidente MCC nian, Cameron Alford, iha serimónia ida ne’ebé sei hala’o iha Ministériu Negósius Estranjeirus no Kooperasaun.