Governu Timor-Leste, liu hosi Ministro Ekonomia no Dezenvolvimentu, João Mendes Gonçalves, no reprezentante Organizasaun Nasoens Unidas ba Dezenvolvimentu Industriál nian (UNIDO) ba iha rai Indonésia no Timor-Leste, Sr. Imran Farooque, iha loron 13 fulan Maiu liubá, sira asina tiha ona, akordu ida kona-ba kooperasaun no transferénsia ekipamentu Sentru Produsaun Bambu (Au) Tibar nian ba iha Governu Timor-Leste.

Ministru Ekonomia no Dezenvolvimentu, João Mendes Gonçalves, iha nia diskursu abertura, afirma katak parseria entre UNIDO no Governu Timor-Leste ida ne’e sei dauk fo sai ba públiku.

Projetu ida ne’e hodi kontribui ba konstrusaun kapasidade institusionál no ba dezenvolvimentu kompeténsia ba empreendedór potente sira, kriasaun empregu, haburas ekonomia no dezenvolvimentu liu-liu ba iha área rurál sira.

Objektivu prinsipál Projektu nian sira mak harii sentru Demonstrasaun no Dezenvolvimentu kompeténsia kona-ba Bambu nian iha Timor-Leste, nune’e mós dezenvolvimentu ba programa asisténsia téknika nian ne’ebé iha koordenasaun entre Ministériu Ekonomia no Dezenvolvimentu no UNIDO.

Sentru Bambu (Au)nian bele uza nu’udar sentru ba formasaun ka produsaun ne’e duni.