………………………………………………………………………………………………………………
Dili, loron 8, fulan-fevereiru, tinan 2022
Primeiru-Ministru Taur Matan Ruak Adia Vizita ba Austrália
Primeiru-Ministru Taur Matan Ruak, tersa ohin husu atu hato’o pedidu adi’a vizita ofisiál ba Austrália ne’ebé planeia ona ba Kuarta semana ne’e, ho razaun motivu saúde, tanba rezultadu teste SWAB iha loron 07 no loron 08 fulan-febereiru tinan 2022 ne’ebé fó sai iha tersa loraik ne’e, konfirma Xefe Governu ho nia espoza Isabel da Costa Ferreira, pozitivu SARS-COV-2.
Maske pozitivu COVID-19, maibé Xefe Ezekutivu ho espoza iha kondisaun saúde di’ak hela, no tuir rekomendasaun médiku, Xefe Governu presija deskansa iha uma tuir protokolu saúde nian hodi hein teste tuir mai.
Kona-ba pedidu adia vizita ne’e, Xefe Governu komunika ona ho Ministra Negósiu Estranjeiru no Kooperasaun, Adaljiza Albertina Xavier Reis Magno atu komunika formalmente ba iha parte Governu Austrália nian, no sei ajenda fali ba tempu oportunu. HOTU