Ministériu Finansa, liu husi Ministra tutela, Emília Pires lansa, Kampaña Nasionál iha loron 14 fulan Maiu, kona-ba Sensus 2010 nian ba populasaun no abitasaun, iha seremónia ne’ebé hala’o iha Sentru Konvensaun iha Merkadu Lama Díli.

Hola parte iha seremónia ne’e mak, Prezidente Repúblika, José Ramos Horta, Reprezentante Espesiál Sekretáriu-Jerá Nasoen Unidas nian, Hameerah Haq no Reprezentante Nasionál ba Fundu ba Populasaun Nasoen Unidas nian, nune’e mós membru Governu balun.

Lansamentu ne’e hala’o ho ambiente ida ne’ebé iha festa hodi hahú kampaña Sensus 2010 nian, ne’ebé nia objetivu prinsipál mak atu halo kontajen ba ema hotu-hotu ne’ebé moris iha país nia laran to’o determinada data.

Populasaun, iha kalan loron 11 ba 12 fulan Jullu, sei halo ona kontajen ema hira mak toba kalan ida iha sira nia uma no mantein ho rejistu ne’e. Iha kualkér momentu, entre loron 11 no loron 25 fulan Jullu, sidadaun sira sei hetan vizita ba iha sira nia uma husi entrevistadór ida ne’ebé sei halo pergunta balun, kona-ba ema hira mak toba kalan ida iha uma ne’ebé sira rejista ne’e.

Informasaun kona-ba Sensus 2010 sei hala’o servisu husi Diresaun Nasionál Estatístika iha kolabarasaun ho Fundo ba Populasaun Nasoen Unidas nian ne’ebé fó suporte tékniku, finanseiru no lojístiku, iha Díli no distritu sira.