Ministériu Edukasaun (ME) se hala’o 1o Konferénsia Nasionál kona-ba Edukasaun Inkluzivu iha Timor-Leste durante loron rua 11-12 fulan maio 2010 iha salaun Sentru João Paulo II Comoro Díli ho titlu “Realiza Edukasaun ba Ema Hotu” ho objetivu atu haluan partisipante sira nia perspektiva no kuñesimentu kona-ba edukasaun inkluzivu, atu asegura kuñesimentu komún ida kona-ba edukasaun inkluzaun no atu dezenvolve deklarasaun polítika ida kona-ba edukasaun Inkluzivu ba Timor-Leste.

Orador ne’ebé partisipa iha konferensia ne’e mak, Dr João Cancio Freitas Ministériu Edukasaun Timor-Leste, Ms Adalgisa Ximenes, (Komisáriu Nasionál ba Direitu Labarik), Dr Sheldon Shaeffer, Konsultór Edukasaun (uluk hanesan UNESCO nia Asesór Edukasaun ), Mrs Yangxia Lee, Diretór Sentru El, Ministru Edukasaun, Vientiane Capital, Lao PDR, Ms Frances Gentle, Peritu Edukasaun Inkluzivu, Australia no Ms Kristiyanti, Helen Keller Internasional, Indonesia.