SEFOPE entrega sertifikadu ba formandus nain 85
Secretaria Estado ba Formasaun Profissional no Emprego, Bendito Freitas entrega sertifikadu iha Seremonia graduasaun ba formandus nain 85 nebé remata sira nia formasaun iha sentru formasaun Science of Life System 24/7 (SOLS 24/7), loron 29 fulan Abril tinan 2010. Formasaun ne’e hala’o durante tinan rua nia laran, iha área língua inglesa, komputadór.
Sekretáriu Estadu ba Formasaun Profissionál no Emprego, Bendito Freitas iha nia intervensaun hateten katak “Hau sente formasaun lian inglés ne’e importante, ita moris iha mundu ida atuál globalizadu iha nesisidade importante teb-tebes, iha negosius relasoens bilaterál, kooperasaun no asuntu sira seluk, buat sira ne’e hotu implika ba iha koñesementu universál. Tanba ne’e lian inglés importante teb-tebes iha funsaun hirak ne’e”.
Organizasaun SOLS 24/7 hari’i iha Timor Leste iha tinan 2007, hanesan organizasaun nebé fó formasaun hodi hasa’e kapasidade formandus sira nian iha área lian ingleza, administrasaun, teknolojia informátika (komputadór) no koñesementu valores direitus humanus nian.
