Governu Timor-Leste

Sekretaria Estadu ba Formasaun Profisionál no Empregu hamutuk ho Ministériu Saúde (MS) Asosiasaun Amizade Timor-Leste Cuba (AATLC), AATLC, Reprezentante Emprezáriu no KSTL organiza Kolokiu loron ida iha Salaun Delta Nova, Dili iha loron 30 fulan Abril tinan 2010, ho tópiku “Etos Serbisu iha Area Kuidadu isin Diak iha Timor-Leste”.

Dr. Rui de Araújo nebé hanesan Oradór dahuluk iha kolokui ne’e “Afirma katak signifika lolos “Etos Serbisu Iha Area Kuidadu Isin Diak Iha Timor Leste” mak hala’o no hahalok ema ida-idak iha serbisu fatin no iha ita nia moris loron-loron. Tanba hala’o no hahalok ita ema nian ne’e mak iha valor katak ema ho animal iha diferent”..

Iha parte seluk intervensaun husi oradór reprezantante Ministériu Saúde Diretór Jerál Agapitu da Silva Soares hateten katak “Ministériu Saúde iha ona polítika ida para dezenvolve funsionáriu sira atu sai profissional, liu husi formasaun iha rai laran ka haruka ba tuir formasaun iha rai liur hanesan Indonésia. Ministériu Saúde mos rekoñese katak kualidade sai hanesan ijizensia ka perkupasaun bot ba Ministériu Saúde nian atu redus risko mortalidade iha Timor Leste nebé tinan 2002 iha 82% mai to tinan 2009 tun to’o 40%. Maski iha mundansa maka’as, Ministériu Saúde esforsu nafatin para bele redus númeru mortalidade tun to’o 1% ou 2% hanesan iha nasaun Cuba”.

Oradór husi Prezidente KSTL José Conceição fo hanoin ba audensia katak “situasaun Laborál iha rua “2” hanesan situsaun formál no situasaun informál, nebé laiha lei ida para garantia kondisaun Laborál. Tanba ne’e ami ejiji los ba SEFOPE atu kria lei ida hodi regula no proteje situasaun serbisu nain no mos atu kria empregu”.

Sekretáriu Estadu Bendito Freitas hanesan oradór ikus liu iha kolokiu ne’e, afirma ba audensia katak “Ema profissionál labele soe étika iha serbisu fatin no iha ita nian moris loron-loron no wainhira ita kolia konaba étika ne’e hanesan problema ka salah ema moris halo iha nia moris loron-loron. Ne duni ita ema persija atu buka hatene saida siensia ka abilidade, sistema no atitude para bele moris nu’udar humanu ida iha etika no responsabilidade.”

Iha oportunidade ne’e mos Secretario Estado Bendito Freitas lamenta ho situasaun serbisu nain estranjeiru iha Timor Leste. Relasiona ho situasaun nebé refere Sr. Bendito Freitas hateten katak “ami foti ona disizaun katak iha Dirasaun Nasionál Inspesaun ba Traballu sei halo inspesaun ba kampu serbisu para bele identifika kondisaun serbisu nain estranjeiru atu hetan prosesu legál.