Dekretu Governu n.º 1/2021, loron 8 fulan-janeiru kona-ba Ezekusaun Orsamentu Jeral Estadu 2021 disponível ona iha lian Tetun. Versaun Tetun Diploma ida-ne’e atu fasilita instituisaun Estadu nian hodi ezekuta Orsamentu Jerál Estadu ba 2021. Bainhira iha diferensia ka diskrepansia ruma iha interpretasaun entre versaun Tetun ho versaun Portugés prevalese mak versaun Portugés.

Servisus tradusaun ne’e prepara no verifika husi Gabinete Apoiu Juridiku, Ministériu Finansas hafoin rona mensajen husi Prezidente Repúblika, Sua Exelénsia Dr. Francisco Guterres Lú Olo iha loron selebrasaun Restaurasaun Independénsia Timor-Leste ba tinan-19.

Ministériu Finansas mós hahú distribui ona Diploma versaun Tetun ne’e ba kada liña ministériu sira atu fasilita liña ministériu, ajénsia autonómu, empreza públiku no munisípiu sira atu bele komprende ho di’ak hodi bele implementa no ezekuta OJE ho rigor no transparénsia.

Atu download Diploma versaun Tetun, klik iha link ida-ne’e: https://bit.ly/3ilxqsN