Governu, liuhusi artigu da-16 Lei nú. 8/2021, loron 3 fulan-maiu, aprova ona atribuisaun ba livre pagamentu propinas kona-ba semestre dahuluk husi tinan letivu 2021, to’o limite dolar amerikanu 150 ba estudante sira ne’ebé inskreve iha instituisaun sira ensinu superiór nian.

Kona-ba medida suspensaun nian ba atividade letiva sira ne’ebé karik hanaruk liu semestre dahuluk nia rohan, livre ba pagamentu ne’e sei aplika mós ba semestre daruak husi tinan letivu 2021, to’o ba limite husi valór dolar amerikanu 150.

 Diploma Ministeriál Nú. 34/2021 loron 19 fulan-maiu, husi Ministériu Ensinu Superiór, Siénsia no Kultura, prosede ba regulamentasaun husi medida apoiu ne’e.

 Estudante sira ne’ebé inskreve regularmente ka ativu iha tinan 2021, iha direitu ba livre pagamentu ba propinas, iha kursu titulár sira lisensa nian, iha instituisaun sira ensinu superiór públika ka privada sira ne’ebé hetan akreditasaun no ne’ebé laós benefisiáriu husi bolsa estudu, ho karáter públika no privada, atu envolve pagamentu totál husi propinas ne’e rasik.

Medida ne’e iha efeitu retroativu no estabelesimentu sira ensinu superiór públiku no privadu sira tenke selu fali estudante sira ne’ebé iskreve ona, ho valór husi propinas ne’ebé selu ona to’o montante másimu dolar amerikanu 150.

 Governu mós sei fó kompensasaun ba estabelesimentu sira ensinu superiór públiku no privadu sira relasiona ho montante totál husi propinas ne’ebé fó fila ba estudante sira.

 

Atu asesu ba lista lejizlasaun nian relasiona ho estadu emerjénsia klike iha ne’e