Núncio Leopoldo Gerely, hanesan selebrante misa akompanha husi Amo Bispu Diocese Díli, Dom Alberto Ricardo da Silva, Pe. Amo Bispu Diocese Baucau, Dom Bazílio do Nascimento, Pe. Fó Ordenasaun Biskopal ba Pe. Norberto Amaral, hodi sai Bispu foun no ulun ba Diocese Maliana. Cerimonia ida ne’e halao iha Santuáriu João Paulo II, Tasitolu, Díli.

Ritual ba Ordenasaun Bispu foun nebe Diriji husi Nuncio selebrantes tuir, lalaok Igreja katólika ninian. “Uluk kedas Santo Padre sira hanorin katak sei husu ba ida be hili ona atu sai Bispo, iha povu nia oin kona-ba nia hakarak tebes hakotu lia tau matan ba fiar, no halo tuir lolós nia kna’ar. Neduni, alin doben, o hakara saran-an tomak, to’o mate ba knaar bispo siran, be ita simu hosi Apóstolo sira ne’ebé, oras ne’e, atu hato’o ba o ho Espirito Santo nia graca, waihira ami sara-liman ba o. Bispu eleito hato’o katak hakarak”. Iha fatin ne’e Bispu eleitu simu kna’ar sacerdote nudar Bispu ne’ebé entrega husi Nuncio Selebrante.Ho ida ne’e Sua Santidade Bento XVI nomeia Dom Norberto do Amarál hanesan Bispo ba Diocese Maliana.

Timor-Leste uluk iha Dioseze rua deit maka labele halo Konferênsia Episkopal, maibe agora ho tan Diocese Maliana maka Igreja Katólika Timor-Leste bele hala’o diak liu-tan servisu Evanjelizasaun ninian, hodi haburas no tulun liu-tan sarani sira iha rai Timor. Nune’e mós Timor-Leste bele hola parte iha Konferensia Episkopal iha rejiaun Sudeste Áziátika.

Marka prezensa iha Missa Ordenasaun Bispu Foun ba Diocese Maliana, Bispu Atambua, Dom Dominikus Saku, Bispu Emeritu Atambua, Dom Pain Ratu, SVD, Bispu Bali, Dom Silvester San, Pr. Bispu Darwin, Dom Eugene Hurley, Bispu Emeritu ba Sidney, Dom Hilton Deakin, Bispu husi Osaka, Japão, Dom Leo Jung Ikenaga, Reprezentante Bispu Manila, Filipinas, Bispu Macau, Dom José Lay no Bispu husi Malázia (naran?).

Husi parte Governu mak reprezenta husi Vise-Primeiru-Ministru, Dr. José Luís Guterres, membru Governu, Membru Parlamentu Nasional, Prokuradora-Jerál Repúblika, Komisáriu Anti Korupsaun, Reprezentante EspesialSekretáriu-Jerál Nasoens Unidas iha Timor-Leste, Hameerah Haq, Korpu Diplomátiku iha Timor-Leste, reprezentante husi Paróquia Dioseze (hakerek hanesan hot-hotu) Díli, Baucau, Maliana no Padre no Madre husi kongregasoens sira iha Díli.