Governu Timor-Leste

Expo 2010 Shanghai-China promote atu fo impresaun ba mundu, no Timor-Leste iha ne’ebá hodi hatudu uitoan saida mak nasaun joven ida ne’e no hodi aprende fo informasaun ne’ebé sei sai importante iha Espozisaun Mundiál ida ne’e. Ho tema “Cidade diak liu, Moris diak liu” Expo 2010 Shanghai-China hakarak sai nu’udar vizaun ida ba futuru ba moris iha sidade laran no reprezenta ema hotu-hotu nia hakarak hodi hadia kualidade moris nian iha área urbana ka sidade nian.

Hamutuk nasaun 194 no organizasaun internasionál 104 mak fo naran ona hodi reprezenta iha eventu ne’e. Hamutuk besik entidade 300 ne’ebé reprezenta iha Espozisaun Mundiál ida ne’e ne’ebé hein atu simu vizitante ka bainaka sira besik tokon 70 durante fulan neen nia laran ne’ebé sei loke ba públiku.

Aleinde reprezentante hosi rai liur sira ne’ebé mak inklui mos Timor-Leste, Expo 2010 Shanghai-China sei hari pavilaun (tenda ka baraka) lima: Pavilaun Urbanu, Pavilaun Bem-Estar nian, Pavilaun Planeta Urbanu, Pavilaun Pegada Ecológica no Pavilaun Futuru.

Espozisaun sira ne’ebé hatudu iha pavilaun hirak ne’e, hotu-hotu sei relasiona ho planeamentu urbanu no dezenvolvimentu, no espozisaun hirak ne’e ba sira deit sai nu’udar oportunidade únika ida ba vizitante sira maibé liu-liu ba profisionál sira ne’ebé bele haree projetu foun sira, estudu no ideia ba futuru.

Hahu hosi loron 1 fulan Maiu no to’o fulan Outubru remata, iha Xangai iha oportunidade atu iha asesu ba koñesimentu lubun ida kona ba orden sientífika, ekonómika, industriál no infraestrutura nian.

Atu hetan informasaun liu tan, bele konsulta iha portal oficial ba Expo 2010 Shanghai-China no portal Timor-Leste nian ba Expo 2010 Shanghai-China