Sorumutuk Konsellu Ministrus nian iha loron 3 fulan-fevereiru tinan 2021
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Sorumutuk Konsellu Ministrus nian iha loron 3 fulan-fevereiru tinan 2021
Konsellu Ministrus hala’o sorumutuk iha Palásiu Governu, iha Dili no, analiza ona aprezentasaun husi Ministru Administrasaun Estatál, Miguel Pereira de Carvalho, kona-ba opsaun polítika-lejislativa sira ne’ebé sai hanesan baze ba projetu kona-ba Programa Movimentu Hafoun Aldeia (PMOHA). Programa ne’e ho objetivu atu fó kbiit ba komunidade atu hadi’ak sira nia moris, hakbesik dezenvolvimentu ba komunidade, promove partisipasaun ida ne’ebé ativa no voluntária ba populasaun hodi hasa’e prestasaun servisu no atu hadi’ak rendimentu ba interese komun.REMATA
