Prezidénsia Konsellu Ministrus

VIII Governu Konstitusionál

……………………………………………………………………………………………………………

Komunikadu Imprensa

Toleránsia Pontu iha lokraik loron 23 fulan-dezembru no loron 24 fulan-dezembru tinan 2020

Toleránsia pontu iha loron 23 fulan-dezembru tinan 2020, iha parte loraik, no iha loron 24 fulan-dezembru tinan 2020, durante loron tomak.

Ho konsiderasaun katak iha loron 25 fulan-dezembru ne’e sei selebra loron atál;

Ho konsiderasaun katak data ida-ne’e hatuur momoos, iha alínea I) husi n. 1 artigu da-2 husi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, nu’udar  feriadu nasionál ho data fiksa;

Ho konsiderasaun katak selebrasaun loron Natál ne’e tuir tradisaun hala’o iha família;

Ho konsiderasaun katak iha períodu loron boot Natál nian, ema barak maka dezloka husi sira-nia hela-fatin hodi ba hamutuk ho sira-nia família;

Ho konsiderasaun katak ema hala’o prátika ida-ne’e durante tinan barak nia laran ona;

Ho konsiderasaun katak tradisaun ne’ebé eziste atubele fó toleránsia pontu, iha tempu ida-ne’e;

Nune’e, hodi haktuir saida maka hatuur ona iha alínea d) husi n.6 husi artigu da-7 husi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, Governu ne’e determina hanesan tuirmai:

1. Sei fó toleránsia pontu iha 23 fulan-dezembru tinan 2020, iha parte loraik no iha loron 24 fulan-dezembru tinan 2020, durante loron tomak.
2. Despaxu ida-ne’e abranje funsionáriu, ajente no traballadór sira hotu ne’ebé hala’o knaar iha servisu sira administrasaun direta Estadu nian,  tantu servisu sentrál ka deskonsentradu sira, no mós iha organizmu sira husi administrasaun indireta Estadu nian;
3. La inklui iha númeru anteriór rekursus umanus husi servisu públiku sira ne’ebé, tanba natureza husi atividade ne’ebé sira dezenvolve, tenke hala’o nafatin servisu durante períodu ne’e;
4. Sein prejuízu ba kontinuidade no kualidade husi servisu públiku ne’ebé mak atu hala’o, dirijente másimu sira husi servisu sira ne’ebé temi ona iha númeru anteriór tenke fó dispensa ne’ebé hanesan husi devér asiduidade nian ba funsionáriu sira-ne’e, iha loron seluk, ne’ebé sei determina bazeia ba oportunidade. REMATA