Governu Timor-Leste, liu husi Ministériu Ekonomia no Dezenvolvimentu, no empreza ENSULMECI asina ona iha loron 13 fulan Abril ida ne’e, akordu ida nebé marka inísiu ba projetu importante ida hodi haburas ekonomia no dezenvolvimentu sosiál Díli no Timor-Leste nian.

Akordu ida ne’e atu hodi halo lansamentu baze ba inisiativa ida nebé presiza tebe-tebes atu bele konkretiza polítika dezenvolvimentu sósiu-ekonómiku país ninian hodi kontribui ba desizaun nebé atu dinamiza ekonomia lokál, atu nune’e bele estimula sektóres estratéjikus no reforsa valorizasaun no koezaun sosiál.

Projetu ne’e atu hodi harí sentru urbanu ida nu’udar modelu no boot iha sidade Díli, iha Kolmera, hodi fó ba kapitál espasu ida oin-oin ho uma hela nian, servisu fatin, servisu, hotelaria no ekipamentu sosiál nebé sei kontribui ba valorizasaun urbana, ekonómika, sosiál no ambientál sidade nian.

Ba Governu Timor-Leste, projetu ida ne’e signifika estímulu ida nebé forte no promosaun ba atividade ekonómika iha kapitál no, atu nune’e, iha dezenvolvimentu ekonómiku país nian bele atrai promotóres atividades foun, ema nebé hela no bainaka sira mós foun.