Deklarasaun Díli nian hetan aprovasaun ho aklamasaun, iha sorumutu loron rua nia rohan, iha kapitál Timor-Leste nian.

Dokumentu, ho pájina rua, reprezenta “vizaun foun ida hodi harii Estadu no harii paz”. Reprezentante husi país konsideradu frájil sira, parseiru bilaterál no multilaterál no sosiedade sivíl, kompromete, liu husi Deklarasaun, atu hola medida imediata no dezenvolve Planu ida kona-ba Asaun Internasionál hodi harii Paz no harii Estadu.

Iha aspetu ida ne’e, sira define objetivu no identifika dezafiu no asaun efetiva sira ne’ebé mak sei hola..

Sira define mós iha Deklarasaun Díli nian, katak, Planu Asaun Internasionál ne’ebé sei hala’o ne’e, tenke hetan atensaun espesiál ba área haat (dezenvolvimentu ba kapasidade sira, instrumentu ajuda nian, prosesu sira kona-ba planeamentu no diálogu polítiku nian) no konsentra-an iha situasaun sira ne’ebé Estadu Frájil sira hasoru no mós iha situasaun konflitu nian.

Planu ida ne’e tenke remata no entrega ona iha sorumutu tuir mai entre parseiru dezenvolvimentuno Estadu Frájil sira, ne’ebé sei hala’o iha Seul, iha fulan Novembru tinan 2011.

Hafoin hetan tiha aprovasaun ba Deklarasaun Díli niani, Primeiru-Ministru, Kay Rala Xanana Gusmão, iha nia diskursu enseramentu nian, afirma katak “Ne’e hanesan momentu istóriku ida ba Timor-Leste”.

 

Atu haree diskursu ida-ne’e, klik iha ne’e.