……………………………………………………………………………………………………………
Loron 17 fulan-setembru tinan 2020
Komunikadu Imprensa
Governu Hato’o Parabéns Ba Aniversáriu East Timor Hearts Fund Ba Da-10
Governu Timor-Leste hakarak hato’o ho laran, ninia felisitasaun no agradesimentu ba East Timor Hearts Fund, iha momentu ne’ebé organizasaun la’ós governamentál ne’e selebra nia tinan sanulu, tanba ho nia esforsu tomak, maka halibur ona fundu ne’ebé presiza atu pasiente foinsa’e timoroan na’in rua bele halo operasaun ba fuan, iha Austrália.
East Timor Hearts Fund, harii bazeia ba servisu voluntáriu husi kardiolojista Dr. Noel Bayley, ne’ebé ninia misaun mak atu fornese tratamentu ba moras fuan nian ba foin-sa’e timoroan sira, hodi fó ba sira oportunidade daruak iha moris.
Husi kedas fulan-setembru tinan 2010, East Timor Hearts Fund, halo ona operasaun no triajen fuan 80 ba pasiente rihun ba rihun. Ezekuta ona programa prevensaun Moras Reumátika Fuan (RHD, sigla iha liafuan inglés) ho penisilina ba pasiente 300 resin no fahe ekipamentu protesaun individuál kontra COVID-19.
Primeiru-Ministru, Taur Matan Ruak, lori Governu no Povu Timor-Leste nian naran hato’o ninia agradesimentu kle’an no rekoñesimentu ba serbisu ne’ebé East Timor Hearts Fund halo ona, iha tinan sanulu ikus ne’e nia laran, atu halo tratamentu no prevensaun moras fuan nian iha Timor-Leste. REMATA