Prezidénsia Konsellu Ministrus

VIII Governu Konstitusionál

……………………………………………………………………………………………………………

loron 18, fulan-agostu, tinan 2020

Komunikadu Imprensa

Toleránsia Pontu ba Komemorasaun Loron FALINTIL

Entre data ofisiál komemorativa sira, lei estabelese loron 20 fulan-agostu, hanesan data ofisiál komemorativa ba Loron Forsas Armadas Libertasaun Nasionál Timor-Leste (FALINTIL) nian, ne’ebé tinan ida-ne’e selebra aniversáriu da-45

Tuir Lei n. 10/2005, loron 10 fulan-agostu, ne’ebé altera ona husi Lei n. 3/2016, loron 25 fulan-maiu, Governu determina katak:

1. Fó toleránsia pontu iha loron 20 fulan-agostu tinan 2020, durante loron tomak, ba funsionáriu, ajente no traballadór hotu-hotu husi administrasaun direta Estadu nian, tantu servisu sentrál ka deskonsentradu sira, no mós husi organizmu sira husi administrasaun indireta;
2. Toleránsia iha númeru liubá ne’e la inklui funsionáriu sira husi servisu públiku sira ne’ebé tanba natureza husi atividade públika ne’ebé sira dezenvolve, tenke hala’o nafatin serbisu iha loron ne’e;
3. Sein prejuizu ba kontinuidade no kualidade husi servisu públiku ne’ebé maka atu presta, dirijente másimu sira husi servisu sira iha númeru anteriór tenke fó dispensa ne’ebé hanesan husi devér asiduidade nian ba funsionáriu sira-ne’e, iha loron seluk ne’ebé sei determina bazeia ba oportunidade. REMATA