Tatoli, Ajénsia Notisioza Timor-Leste nian, ohin selebra, tinan haat dezde ninia kriasaun, loron 27 fulan-jullu tinan 2020.

Ajénsia ba notísia sira nasionál nian, harii ho objetivu atu hatán ba nesesidade nasaun ne’e nian kona-ba informasaun, iha nivel nasionál no internasionál, hodi fó sai kestaun importante sira kona-ba povu nia moris no nasaun nian, ho forma kredivel no profisionál.

Iha tinan 2016, harii tiha portál ida ba notísia sira, ne’ebé dezenvolve husi grupu serbisu nian ida, hanaran ANTIL, ho objetivu atu funsiona hanesan embriaun ba futura ajénsia. Iha tinan 2017, sira konkista estatutu nu’udar institutu públiku nian ne’ebé maka hanaran TATOLI, Ajénsia Notisioza Timor-Leste.

Iha loron sira ikus ne’e, Tatoli simu beibeik mensajen barabarak, husi Governante sira no responsavel instituisaun estatál nian sira no husi organizasaun naun-governamentál sira, ne’ebé hato’o felisitasaun ba nia loron aniversáriu no ba servisu sira ne’ebé mak nia hala’o ona iha tinan haat ikus ne’e nia laran ne’e no nu’udar motivasaun ba futuru.