Iha abertura ba loron dauluk servisu nian iha sorumutu “ Diálogu Internasionál Díli nian”, Prezidente Repúblika RDTL, José Ramos-Horta aproveita delegasaun liu 45 nia prezensa hodi halo diskursu ida ba mundu.

Prezidente Repúblika fó hanoin ba importánsia servisu nian ne’ebé hala’o ona to’o iha ne’e husi Governu sira hahú kedas iha independénsia no nia sente orgullu ba “ solidariedade ne’ebé hatudu hosi povu timoroan, hanesan ezemplu, iha ajuda ba vítima sira rainakadoko no tsunami nian iha Indonézia.

Sei nafatin ho solidariedade nu’udar tema importante, José Ramos-Horta husu ba doadór sira “boot ka ki’ik” atu kontinua fó nafatin apoiu ba Timor-Leste “ho laran diak”.

Iha nafatin pontu ida ne’ebé Primeiru-Ministru koalia, José Ramos-Horta fó hanoin katak, osan tokon barak ona ne’ebé hetan hosi doadór sira, gasta ona ba dezenvolvimentu, maibé dala ruma difísil tebe-tebes atu sukat nia rezultadu sira. Prezidente Repúblika foka liu ba Paz nu’udar meiu ida ne’ebé efikás liu hodi hetan dezenvolvimentu ba país no ajuda Timor-Leste no Estadu frájil sira seluk atu bele sai husi situasaun difísil ida ne’e.

José Ramos-Horta fó hanoin mós katak, bainhira rai sira seluk sei koalia maka’as loos kona-ba difikuldade finansa públika nian, maibé Timor-Leste la sofre problema ida ne’e.

Relasaun ho Indonézia no maturidade sívika povu timoroan nian ne’ebé hatudu ona iha kazu ida foin daudauk nian Maternus Bere, ida ne’e mós la’o diak tebe-tebes tuir Prezidente José Ramos Horta iha nia intervensaun besik minutu 45 nia laran. José Ramos-Horta husu ba komunidade internasionál atu husik ba povu timoroan rasik mak halo nia justisa” no la’ós kondena arbiru dei’t ba sira ne’ebé mak parese iha kulpa.

 

Bele hetan vídeo sira hotu husi eventu ida-ne’e iha seksaun Multimédia/Vídeo.
Atu haree 1ª parte vídeo ida-ne’e, klik iha ne’e.
Atu haree 2ª parte vídeo ida-ne’e, klik iha ne’e.