Iha loron 26 no 27 fulan-juñu tinan 2020, membru Governu Konstitusionál VIII sira sei halibur malu atu halo retiru, iha auditóriu Ministériu Finansas nian.

Retiru ne’ebé realiza hafoin membru Governu sira seluk simu pose iha kuarta, loron 24 fulan-juñu tinan 2020, ne’ebé mai kompleta estrutura Ezekutivu Timor-Leste nian, ninia objetivu mak atu introdús ba partisipante sira kona-ba konseitu sira no koñesimentu báziku sira kona-ba konstrusaun Estadu no Nasaun, lideransa no governasaun, planeamentu, nune’e mós reforma sira ne’ebé mak oras ne’e halo hela.

Membru Ezekutivu sira mós sei debate kona-ba prioridade sira ne’ebé sei implenta to’o tinan 2023 no sei reflete iha Orsamentu Jerál Estadu nian.

Daudaun ne’e preparasaun ba Orsamentu Jerál Estadu ba tinan 2020 nian la’o daudaun.