Ministra Finansa, Emília Pires, fó konferénsia imprensa iha TLDPM nia rohan ho konkluzaun prinsipál sorumutu nian, hamutuk ho Reprezentante espesiál Sekretáriu Jerál ONU nian, Ameerah Hak, Direktór Banku Mundiál, Ferid Belhaj no Prizidente Banku Aziátiku ba Dezenvolvimentu, Laurence Greenwood.

Ministra Finansa hahú hodi dehan katak, Governu “haksolok tebe-tebes ho obervasaun pozitiva hirak husi parseiru dezenvolvimentu sira nian” no halo referénsia ba dólar tokon 287,9 ne’ebé hetan husi doadór sira, iha tinan 2009, iha Timor-Leste.

Emília Pires hato’o mós, Governu nia hanoin atu hametin kooperasaun ho parseiru dezenvolvimentu sira iha Planu Estratéjiku Dezenvolvimentu nian ne’ebé sei fó vizaun ida iha tempu naruk nia laran ba tinan 2030, planu ida servisu nian ba tinan 2020 no planu orsamentu nian, ida ne’e ba ona tinan 2015: “ami, agora, sente ho enerjia maka’as no komprometidu atu kontinua servisu maka’as ba futuru ida ne’ebé diak liu “ , dehan Ministra.

Reprezentante Espesiál Sekretáriu Jerál ONU nian, iha nia resposta ba pergunta ida kona-ba aplikasaun fundu doadór sira nian, afirma katak, projetu barak mak hala’o ona no nia iha esperansa ba Planu Dezenvolvimentu Estratéjiku ne’ebé prepara husi Governu.

 

Atu haree liu tan fotografia sira hosi eventu ida-ne’e, klik iha ne’e: Fotografia

Atu hetan asesu ba Dokumentu Suporte kona-ba TLDPM, bele halo download iha “Governu/Publikasaun”. (Tradusaun ba Tetun sidauk iha. Iha ne’e bele hare dokumentu lian Inglês)